గాయ‌ప‌డ్డ ఈ వ్య‌క్తిని గుర్తించండి

దిశ, నవాబుపేట : మండల పరిధిలోని ఫతేపూర్ గేటు సమీపంలో రెండు రోజుల క్రితం ప్రమాదవశాత్తు తన బైక్ తో చెట్టును ఢీకొని తీవ్ర గాయాలపాలయ్యాడు. మహబూబ్ నగర్ జిల్లా ఆస్పత్రిలో చికిత్స పొందుతున్నాడు. అయితే ఈ వ్యక్తిని గుర్తించాలని కోరుతూ ఎస్సై ఎం.విక్రమ్ ఆ వ్యక్తి ఫోటోలను, నడిపిన బైక్ ఫోటోలను వాట్సాప్ గ్రూపులలో షేర్ చేశారు. బైక్ పై వెళ్తూ ప్రమాదవశాత్తు ఆ వ్యక్తి రోడ్డు ప్రక్కన ఉన్న చెట్టును ఢీకొని గాయపడ్డాడు. విషయం తెలుసుకున్న 108 సిబ్బంది ఆ వ్యక్తిని ఆసుపత్రికి చేర్చగా ఆస్పత్రి వైద్యుల పర్యవేక్షణలో సిబ్బంది చికిత్సలు చేస్తున్నారు. అయితే ఆ వ్యక్తి దగ్గర అతడికి సంబంధించిన ఎలాంటి ఆధారాలు లేకపోవడంతో పాటు అతడు నడిపిన వెహికల్ పై కూడా నంబర్ సరిగా లేకపోవడంతో ఆ వ్యక్తి ఆచూకీ కనుగొనడం పోలీసులకు కష్టతరంగా మారింది. అందువల్ల ఆ వ్యక్తి ఫోటోలను, ఆ వ్యక్తి నడిపిన బైక్ ఫోటోలను వాట్సప్ గ్రూపులో షేర్ చేసి అతడిని గుర్తించిన వారు తన మొబైల్ నంబర్ 8712659340 కు సమాచారం అందించాలని ఎస్సై కోరారు. అతడిని గుర్తించిన వారు అతని విలువైన ప్రాణాన్ని కాపాడిన వారవుతారని ఎస్సై అభిప్రాయపడ్డారు.