12న రాష్ట్ర ఉపాధ్యాయ సంఘం జిల్లా కౌన్సిల్ సమావేశం

దిశ, కందనూల్ : రాష్ట్ర ఉపాధ్యాయ సంఘం (ఎస్టీయూ) నాగర్‌కర్నూల్ జిల్లా శాఖ ఆధ్వర్యంలో జిల్లా కార్యవర్గ కౌన్సిల్ సమావేశం ఆదివారం జిల్లా కేంద్రంలోని జిల్లా పరిషత్ బాలుర ఉన్నత పాఠశాలలో నిర్వహిస్తున్నట్లు జిల్లా ప్రధాన కార్యదర్శి కొత్త శ్రీధర్‌రావు తెలిపారు. ఆయన మాట్లాడుతూ ఈ సమావేశానికి రాష్ట్ర సంఘ అధ్యక్షుడు బి.రవి, ప్రధాన కార్యదర్శి జి.సదానంద గౌడ్, రాష్ట్ర పూర్వ అధ్యక్షుడు ఎం.పర్వత రెడ్డి, ఎన్నికల అధికారులు శ్రీనివాసరావు, వై.కరుణాకర్ రెడ్డి హాజరవనున్నట్లు తెలిపారు. జిల్లాలోని అన్ని మండల అధ్యక్షులు, కార్యదర్శులు, సభ్యులు తప్పనిసరిగా హాజరుకావాలని కోరారు.