TG: విధుల్లో చేరిన లెఫ్టినెంట్ జనరల్ హార్పల్‌ సింగ్

దిశ, తెలంగాణ బ్యూరో: రాష్ట్ర నీటిపారుదల శాఖ సలహాదారుగా నియమితులైన లెఫ్టినెంట్ జనరల్ కల్నల్ హార్పల్ సింగ్ సోమవారం విధుల్లో చేరారు. ప్రభుత్వం అత్యంత ప్రతిష్టాత్మకంగా తీసుకుని పూర్తిచేసేందుకు రూపొందించిన ఎస్ఎల్‌బీసీ పనుల పునరుద్ధరణ నిమిత్తం సోమవారం మంత్రి ఉత్తమ్‌కుమార్‌రెడ్డి ఆధ్వర్యంలో జరిగిన సమీక్ష సమావేశంలో ఆయన పాల్గొన్నారు. అంతకుముందు హార్పల్‌సింగ్ మంత్రి ఉత్తమ్‌తోపాటు నీటిపారుదల శాఖ ప్రధాన కార్యదర్శి ఆదిత్యనాథ్‌దాస్, ప్రత్యేక కార్యదర్శి ప్రశాంత్ జీవన్ పాటిల్, సహాయ కార్యదర్శి కే.శ్రీనివాస్‌తోపాటు ఈఎన్సీలు అంజద్ హుస్సేన్, శ్రీనివాస్, రమేశ్‌బాబును మర్యాద పూర్వకంగా కలిశారు.