IYKYK అంటూ ఎక్స్లో కేసీఆర్ ఫోటో పోస్ట్ చేసిన కేటీఆర్.. వైరల్
బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ సోషల్ మీడియాలో ఎంతో యాక్టీవ్గా ఉంటారో అందరికీ తెలిసిందే.
దిశ, డైనమిక్ బ్యూరో: బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ సోషల్ మీడియాలో ఎంతో యాక్టీవ్గా ఉంటారో అందరికీ తెలిసిందే. కేటీఆర్ ఏదైనా పోస్ట్ చేస్తే అది చర్చనీయాంశం అవ్వాల్సిందే. ఈ నేపథ్యంలో కేటీఆర్ పోస్ట్ చేసిన ఓ ఫోటో వైరల్గా మారింది. ఆదివారం ఎక్స్ వేదికగా IYKYK ( If You Know, You Know ) అంటూ కేసీఆర్ ఫోటో పోస్ట్ చేశారు. వైరల్ ఫోటోలో కనిపిస్తున్న ప్రకారం.. ఏఐతో రూపొందించిన కేసీఆర్ పార్టీ కండువాతో ఒక కొండపై కుర్చీలో కూర్చొని ఉన్నాడు. అలాగే కేసీఆర్ పై సూర్యకిరణాలు పడుతున్నాయి. కేసీఆర్ కాళ్ల వద్ద ఒక కుక్క ఉంటుంది.
ఈ పోస్ట్ ప్రస్తుతం వైరల్గా మారింది. ఏ ఉద్దేశంతో కేటీఆర్ ఈ పోస్ట్ చేశారోనని నెటిజన్లు రకరకాలుగా స్పందించారు. ‘కొండను చూసి కుక్క మొరిగితే కొండకు చేటా?’ అని ఓ నెటిజన్ కామెంట్ హైలెట్గా నిలిచింది. అన్నా.. ఎవరిని కుక్కతో పోల్చావని నెటిజన్లు సందేహం వ్యక్తం చేశారు. రాష్ట్రానికి ప్రాణం పోసిన మహనీయుడు కేసీఆర్ అని, పిచ్చికుక్క మొరిగి మొరిగి శాశ్వతంగా మూగబోతుందని మరో నెటిజన్ కామెంట్ పెట్టారు. ట్వీట్ ఇదే..
