KTR: బీజేపీ చెప్పిన అచ్చేదిన్ అంటే ఇదేనా?:కేటీఆర్

దిశ, డైనమిక్ బ్యూరో: వంట గ్యాస్ సిలిండర్ ధర రూ.50 పెంచుతూ కేంద్రంలోని ఎన్డీయే ప్రభుత్వం (NDA government) తీసుకున్న నిర్ణయంపై బీఆర్ఎస్ వర్కింగ్ ప్రెసిడెంట్ కేటీఆర్ (KTR) విమర్శలు గుప్పించారు. అచ్చేదిన్ కోసం ఎదురుచూస్తున్న తరుణంలో కేంద్ర ప్రభుత్వం ఒక్కరోజులోనే హ్యాట్రిక్ కొట్టిందని ఎద్దేవా చేశారు. అంతర్జాతీయంగా చమురు ధరలు తగ్గుతున్నా ఎల్పీజీ సిలిండర్ (Gas cylinder) ధర రూ. 50 పెంపు, పెట్రోల్, డీజిల్ పై రూ. 2 ఎక్సైజ్ డ్యూటీని బీజేపీ (BJP) నేతృత్వంలోని కేంద్ర ప్రభఉత్వం పెంచిందని దుయ్యబట్టారు. సెన్సెక్స్ పతనంలో ఒక్కరోజులోనే 19 లక్షల కోట్లు తుడిచిపెట్టుకుపోయాయని ఇది బీజేపీ వాగ్దానం చేసిన అచ్చే దిన్ కు సంకేతమా లేక మేక్ ఇండియా గ్రేట్ అగైన్ కు ప్రారంభమా అని ప్రశ్నించారు.