పెద్దమ్మ.. నీకు సంక్షేమ పథకాలు ఇచ్చే బాధ్యత మాదే : మంత్రి పొంగులేటి శ్రీనివాసరెడ్డి

దిశ, ఖమ్మం రూరల్ : అవ్వా నీకు.. సంక్షేమ పథకాలు అందుతున్నాయా..? అంటూ అప్యాయంగా బోడా అంజి అనే వృద్ధ మహిళను రాష్ట్ర రెవెన్యూ, హౌసింగ్, సమాచారశాఖల మంత్రి పొంగులేటి శ్రీనివాసరెడ్డి పలకరించారు. ఆదివారం ఏదులాపురం మున్సిసాలిటీలోని చిన్నతండా వార్డులో అభివృద్ధి పనుల శంకుస్థాపనకు వచ్చిన మంత్రికి పక్కనే మెట్ల పై కూర్చోని ఉన్న ఓ వృద్ధ గిరిజన మహిళ మంత్రి పొంగులేటి కంట పడింది. వెంటనే ఆయన ఆ వృద్ధ మహిళ వద్దకు వెళ్లి ప్రేమ, అప్యాయంగా దగ్గరికి తీసుకుని భుజం మీద చెయ్యి వేసి అప్యాయంగా పలకరించారు. ఫించన్ వస్తుందని, నాకు ఇద్దరు పిల్లలు ఉన్నారని అంజికి తెలిపింది. త్వరలో పింఛన్ కూడా పెంచి పేదలకు ఇందిరమ్మ ప్రభుత్వం ఇస్తుందని మంత్రి ఆమెకు భరోసా ఇచ్చారు.