మహిళల శిక్షణా కోర్సుల దరఖాస్తుల ఆహ్వానం

దిశ, ఖమ్మం బ్యూరో : ఖమ్మం జిల్లా మహిళా ప్రాంగణంలో నిర్వహిస్తున్న పలు శిక్షణా కార్యక్రమాలకు సంబంధించి యువతకు పెద్ద ఎత్తున అవకాశాలు కల్పిస్తున్నట్లు జిల్లా మహిళా ప్రాంగనాధికారిణి వేల్పుల విజేత ఒక ప్రకటనలో పేర్కొన్నారు. ఈ సందర్భంగా 18నుంచి 35ఏండ్ల మధ్య వయస్సు కలిగి, ఆసక్తి ఉన్న మహిళా అభ్యర్థులు శిక్షణా కోర్సులకు దరఖాస్తు చేసుకోవాలని, శిక్షణలు పూర్తి చేసిన వారికి ఉపాధి అవకాశాలు కల్పిస్తామని వివరించారు.

• శిక్షణా కోర్సులు అర్హతలు వ్యవధి
• కమ్యూనిటీ హెల్త్ వర్కర్ 2 నెలలు 10వ తరగతి ఉత్తీర్ణత
• కంప్యూటర్ 2 నెలలు 10వ తరగతి ఉత్తీర్ణత
• టైలరింగ్ 2 నెలలు 8వ తరగతి ఉత్తీర్ణత
• బ్యూటీషియన్ 2 నెలలు 8వ తరగతి ఉత్తీర్ణత

శిక్షణా కోర్సులకు హాజరయ్యేందుకు ఆసక్తి గల అభ్యర్థులు ఖమ్మం జిల్లా మహిళా ప్రాంగణంలో ఈనెల20లోగా దరఖాస్తు చేసుకోవాలని, మరిన్ని వివరాల కోసం జిల్లా మహిళా ప్రాంగణ కార్యాలయాన్ని ప్రత్యక్షంగా సంప్రదించాలని వేల్పుల విజేత కోరారు.