తెలంగాణ అభివృద్ధిలో రంగారెడ్డి జిల్లాది కీల‌కపాత్ర: క‌విత‌

దిశ‌, వెబ్ డెస్క్: తెలంగాణ జాగృతి అధ్య‌క్షురాలు క‌విత జాగృతి జ‌నంబాట కార్య‌క్ర‌మంలో భాగంగా రంగారెడ్డి జిల్లాలో ప‌ర్య‌టించిన సంగ‌తి తెలిసిందే. ఈ ప‌ర్య‌ట‌న‌కు సంబంధించిన వీడియోను క‌విత సోష‌ల్ మీడియాలో షేర్ చేశారు. త‌న పోస్టులో గ్రామీణ బ‌లం మ‌రియు ప‌ట్ట‌ణ ఆకాంక్ష‌ల స‌మ్మేళ‌నంతో కూడిన రంగారెడ్డి జిల్లా తెలంగాణ పురోగ‌తిలో కీల‌క‌పాత్ర పోషించింద‌ని పేర్కొన్నారు. జాగృతి జ‌నంబాట ప్ర‌యాణంలో రైతులు, రోజువారి వేత‌న జీవులు, యువ‌త మ‌రియు మ‌హిళ‌ల‌ను విన్న క‌థలు దృఢ సంక‌ల్పం, దీర్ఘ‌కాలిక నిర్ల‌క్ష్యాన్ని ప్ర‌తిబింబించాయని తెలిపారు. అన్నీ ఉన్న‌ప్ప‌టికీ రంగారెడ్డి జిల్లా ఇప్ప‌టికీ స‌రైన వాటా కోసం ఎదురుచూస్తోంద‌ని అభిప్రాయ‌ప‌డ్డారు. సామాజిక తెలంగాణ నిర్మాణంలో భాగంగా దానిని అందించ‌డానికి తాను కృషి చేస్తాన‌ని చెప్పారు.