వెలుగులేని వీధులు.. నిర్లక్ష్యపు అధికారులు.. వైరల్ అయిన వాయిస్
గంగాధర మండలంలోని కోట్ల నర్సింహులపల్లి గ్రామంలోని ఎస్సీ కాలనీ వాసులు అక్షరాలాగా చీకటిలో కూరుకుపోయారు.
దిశ, గంగాధర: గంగాధర మండలంలోని కోట్ల నర్సింహులపల్లి గ్రామంలోని ఎస్సీ కాలనీ వాసులు చీకటిలో కూరుకుపోయారు. వారం రోజులుగా వీధి దీపాలు వెలగకుండా పడుతున్న వేదనను చెప్పేందుకు విద్యుత్ అధికారులపై ఎన్నిసార్లు ఫిర్యాదు చేసినా స్పందన శూన్యం. చివరికి ఓ కాలనీ యువకుడు తన బాధను వాట్సాప్ వేదికగా వినిపించాడు. ఆ వాయిస్ మెసేజ్ ఇప్పుడు సోషల్ మీడియాలో వైరల్ అవుతోంది.
"ఫోన్ చేస్తే వస్తానంటారు.. కానీ ఇంకా ఎక్కడ?"
"లీడర్లు ఉన్నా ఎవ్వరూ పట్టించుకోవడం లేదు. లైన్మెన్కు పది సార్లు ఫోన్ చేశాం. మెయిన్ వైర్లోనే ప్రాబ్లం ఉంది, దీన్ని ఎవరూ పట్టించుకోవడం లేదు. ఇది బల్బుల సమస్య కాదు!" అంటూ ఆ వాయిస్లో అసహనం కక్కాడు. ఈ ఆవేదన దళిత వాడలపై అధికారుల నిర్లక్ష్యాన్ని బట్టబయలు చేస్తోంది.
చిన్న చూపు ఎందుకు?
గ్రామస్థులు ఓ కీలక విషయాన్ని ప్రస్తావిస్తున్నారు – “ఇది ఎస్సీ కాలనీ కాబట్టే ఇలా అవమానకరంగా నిర్లక్ష్యం చూపుతున్నారు” అని ఆరోపిస్తున్నారు. పంచాయతీ ద్వారా కొత్త బల్బులు కొని అమర్చడమైతే సాధ్యం... కానీ ఇక్కడ ప్రాథమిక సమస్య మెయిన్ ఎలక్ట్రిక్ లైన్. అయినా కూడాRepeated గా ఫిర్యాదులు చేసినా స్పందన లేకపోవడంపై తీవ్ర అసంతృప్తి వ్యక్తం చేస్తున్నారు.
స్పందించని అధికారులు.. ఆశల చీకటి..!
వాట్సాప్ వేదికగా వినిపించిన వేదన నచ్చనిది కాదు. కాలనీ ప్రజలు ప్రభుత్వానికి, విద్యుత్ శాఖ అధికారులకు స్పష్టంగా సందేశం పంపారు... "మా కాలనీని చిన్నచూపు చూడొద్దు. మేమూ పౌరులమే. వెంటనే స్పందించి సమస్య పరిష్కరించాలి!"
