చిలుక వాగు ప్రక్షాళన.. మోడల్ బస్ స్టాండ్ నిర్మాణం కోసం ముందడుగు

దిశ, కొడిమ్యాల : కొడిమ్యాల పట్టణ అభివృద్ధి కోసం ఎమ్మెల్యే మేడిపల్లి సత్యం, గ్రామసర్పంచ్ గడ్డం జీవన్ రెడ్డి కలిసి చేస్తున్న కృషి ప్రజలకు ఆశాజనకంగా మారింది. పట్టణంలో ప్రధాన సమస్యగా ఉన్న చిలుకవాగు ప్రక్షాళన కోసం 4 కోట్ల రూపాయల నిధులు, అలాగే ప్రజలకు సౌకర్యవంతమైన రవాణా కోసం మోడల్ బస్ స్టాండ్ నిర్మాణంకి 2 కోట్ల రూపాయల నిధులు మంజూరు చేయాలని వారు సంబంధిత మంత్రులు పొన్నం ప్రభాకర్ గౌడ్, దనసరి అనసూర్య ( సీతక్క) లకు వినతి పత్రం అందజేశారు. ఈ సందర్భంగా మంత్రులు నిధుల కేటాయింపు పై స్పష్టమైన హామీ ఇచ్చారని సర్పంచ్ గడ్డం జీవన్ రెడ్డి తెలిపారు. గ్రామ అభివృద్ధి కోసం ఇచ్చిన హామీల అమలుకు నిధుల మంజూరు కోసం కృషి చేస్తున్న ఎమ్మెల్యే మేడిపల్లి సత్యంకు సర్పంచ్ కృతఙ్ఞతలు తెలియచేశారు.