బతుకమ్మ ఆడిన ఉపాధి హామీ కూలీలు

దిశ, తంగళ్లపల్లి: ఉపాధి హామీ కూలీలంతా పని స్థలాల వద్ద బతుకమ్మ పాటలతో సంబరాలు చేసుకున్నారు. బుధవారం ఉదయం తంగళ్ళపల్లి మండలం అంకిరెడ్డి పల్లి గ్రామ శివారులో ఉపాధి హామీ పనుల కోసం వచ్చిన కూలీలంతా, పనులకు ముందు బతుకమ్మ ఆటపాటలతో ఆకట్టుకున్నారు. పనులకు ముందు కూలీలలో మానసిక ఉల్లాసం కోసం ఇలా బతుకమ్మ పాటలు పాడిస్తూ.. ఆటలు ఆడిస్తున్నట్లు అధికార వర్గాల ద్వారా తెలిసింది.