వినాయకుడి విగ్రహాన్ని తీసుకెళ్తుండగా.. కరెంట్ షాక్ తగిలి యువకుడు మృతి

• వినాయకుడి విగ్రహాన్ని తీసుకెళ్తుండగా విషాదం
• కరెంట్ షాక్ తగిలి యువకుడు మృతి
• నిజామాబాద్ జిల్లా పాల్వంచ మండలం ఆరేపల్లి శివారులో ఘటన

దిశ ప్రతినిధి, రాజన్న సిరిసిల్ల : వినాయకుని విగ్రహాన్ని తీసుకెళ్తుండగా కరెంటు షాక్ తగిలి ఓ యువకుడు అక్కడికక్కడే మృతి చెందగా మరొకరికి తీవ్ర గాయాలయ్యాయి. రాజన్న సిరిసిల్ల జిల్లా సిరిసిల్ల పట్టణానికి చెందిన కొందరు యువకులు నిజామాబాద్ జిల్లా పెర్కిట్ నుంచి గణపతి విగ్రహాన్ని తీసుకువస్తుండగా పాల్వంచ మండలం ఆరేపల్లి శివారులో ఈ ఘటన జరిగింది. 11 కేవీ కేబుల్ తగిలి సిరిసిల్ల పట్టణం సుభాష్ నగర్ కు చెందిన లక్ష్మీనారాయణ (19) అనే యువకుడు అక్కడికక్కడే మృతి చెందాడు. మరొక యువకుడికి తీవ్ర గాయాలయ్యాయి. క్షతగాత్రున్ని కామారెడ్డి ఏరియా ఆస్పత్రికి తరలించినట్లు ప్రాథమిక సమాచారం.