రూ. 15 వేల కోట్ల విలువైన ప్రభుత్వ భూమి.. కాపాడేందుకు హైడ్రా ప్రయత్నం
హైదరాబాద్ మహానగరంలో అక్రమాలపై హైడ్రా ఉక్కుపాదం మోపుతున్న విషయం తెలిసిందే.
దిశ, వెబ్ డెస్క్: హైదరాబాద్ మహానగరంలో అక్రమాలపై హైడ్రా (HYDRAA) ఉక్కుపాదం మోపుతున్న విషయం తెలిసిందే. ప్రభుత్వ, అటవీ భూముల రక్షణే లక్ష్యంగా ముందుకు సాగుతున్న హైడ్రా.. అక్రమాలను తొలగిస్తూ ముందుకు సాగుతోంది. ఈ క్రమంలో గాజులరామారంలో రూ. 15 వేల కోట్ల విలువైన ప్రభుత్వ భూమిని కాపాడేందుకు హైడ్రా ఆపరేషన్ ప్రారంభించింది. ఈ క్రమంలో ఈ రోజు తెల్లవారుజామున భారీ బందోబస్తుతో ప్రభుత్వ భూమిని కాపాడేందుకు హైడ్రా ప్రయత్నం చేస్తుంది. ఇందులో భాగంగా ఇప్పటికే కబ్జా దారుల నుంచి 300 ఎకరాలకు పైగా భూమికి హైడ్రా విముక్తి కలిగించింది. కాగా రాష్ట్ర ఫైనాన్స్ కార్పొరేషన్కి కేటాయించిన ఈ భూమిని కాజేసేందుకు బడాబాబుల ప్లాన్ చేసి.. పేదల పేరు చెప్పి షెడ్లు వేయించారు. ఇది గమనించిన హైడ్రా ఆ షెడ్లను కూల్చివేసింది. ఈ క్రమంలో అక్కడ ఉద్రిక్త పరిస్థితి నెలకొనడంతో.. భారీ పోలీసు బందోబస్తు మధ్య కూల్చివేతలను హైడ్రా కొనసాగిస్తుంది.
