నీట్ పరీక్షలకు నైతిక బాధ్యత వహిస్తూ కేంద్ర విద్యా శాఖ మంత్రి ధర్మేంద్ర ప్రధాన్ రాజీనామా చేయాలి..

దిశ, కార్వాన్: నీట్ పరీక్షలకు నైతిక బాధ్యత వహిస్తూ కేంద్ర విద్యా శాఖ మంత్రి ధర్మేంద్ర ప్రధాన్ రాజీనామా చేయాలనీ కాక్రోచ్ జనతా పార్టీ డిమాండ్ చేశారు. ఈ మేరకు శుక్రవారం అసెంబ్లీ ఎదురుగా ఉన్న గన్ పార్క్ వద్ద కోక్రోచ్ జనతా పార్టీ సభ్యులు రుచిత్, విజయ్, ఆన్సర్, బిలాల్, అశోక్, సోనమ్ వంచోక్ నిరసన వ్యక్తం చేశారు. ఈ సందర్భంగా వారు మాట్లాడుతూ.. నీట్ వల్ల విద్యార్థులు ఆత్మహత్యలు చేసుకుంటున్న ప్రభుత్వం పట్టించుకోవడం లేదన్నారు. కేంద్ర ప్రభుత్వం అనుసరిస్తున్న విడివిధానాలకు వ్యతిరేకంగా ఈ నెల 14 న ఇందిరాపార్క్ వద్ద కాక్రోచ్ జనతా పార్టీ ఆధ్వర్యంలో సమావేశం జరుగుతుందని వెల్లడించారు. మోడీ ఎక్కువకాలం ప్రధానిగా పరిపాలించారని హారతులు పట్టడం కాదు, విద్యార్థుల జీవితాలను సరిదిద్దేందుకు ప్రయత్నం చేయాలన్నారు. ఈ పార్టీ ఒక ప్రజా ఉద్యమ సంస్థ అని, యువత వల్ల ఏమవుతుందని, కేంద్ర మంత్రి పార్లమెంట్లో అడిగిన ప్రశ్న వల్ల కాక్రోచ్ జనతా పార్టీ ఏర్పడిందన్నారు. ఈ పార్టీ ఏర్పడిన అతి తక్కువ సమయంలోనే కొన్ని మిలియన్ వీడియోస్ వచ్చాయని అన్నారు.