ఉరివేసుకుని గుర్తు తెలియని వ్యక్తి ఆత్మహత్య

దిశ, వనస్థలిపురం: గుర్తు తెలియని వ్యక్తి ఉరివేసుకుని ఆత్మహత్య చేసుకున్న ఘటన హయత్​నగర్ ​పోలీస్​స్టేషన్​పరిధిలో జరిగింది. హయత్​నగర్​సీఐ నాగరాజు గౌడ్​ వివరాల ప్రకారం.. పెద్ద అంబర్​పేట మున్సిపాలిటీ పరిధిలోని కుంట్లూరు నర్సరీ– గౌరెల్లి రోడ్డు పక్కన వేప చెట్టుకు ఓ గుర్తు తెలియని వ్యక్తి ఉరివేసుకుని ఉన్నాడని పోలీసులకు సమాచారం అందింది. వెంటనే సెక్టార్​ఎస్సై లక్ష్మీనారాయణ ఆధ్వర్యంలో పోలీసులు సంఘటనా స్థలానికి వెళ్లి పరిశీలించగా.. సుమారుగా 45 ఏండ్లు ఉన్న వ్యక్తి టవల్ తో ఉరి వేసుకొని ఉన్నాడు. మృతుడు ఎరుపు రంగు టీ షర్ట్​, నలుపు రంగు నెక్కర్​ వేసుకొని ఉన్నాడని, మృతదేహం వద్ద ఎలాంటి ఆధారాలు లభించలేదని సీఐ తెలిపారు. ఎవరికైనా మృతుడి ఆచూకీ తెలిస్తే ఎస్సై లక్ష్మీనారాయణ ను 8712662286 నంబర్లో సంప్రదించాలని తెలిపారు. కేసు నమోదు చేసి దర్యాప్తు చేస్తున్నట్లు తెలిపారు.