కారును ఢీకొట్టిన టిప్పర్.. భారీగా ట్రాఫిక్ జామ్​

దిశ, వనస్థలిపురం: హయత్‌నగర్ పోలీస్​ స్టేషన్​ పరిధిలో మంగళవారం ఉదయం రోడ్డు ప్రమాదం జరిగింది. ఆర్టీసీ డిపో సమీపంలో భాగ్యలత కమాన్​ వద్ద అతివేగంగా దూసుకొచ్చిన ఓ టిప్పర్ లారీ, ముందు వెళ్తున్న కారును వెనుక నుంచి బలంగా ఢీకొట్టింది. ప్రమాద తీవ్రతకు కారు అడ్డంగా తిరిగి, వెనుక భాగంతో పాటు ఒక వైపు పూర్తిగా నుజ్జునుజ్జైంది. ఈ ప్రమాదంలో గాయపడిన వారి వివరాలు, ప్రమాదానికి గల కారణాలు ఇంకా తెలియాల్సి ఉంది. సమాచారం అందుకున్న హయత్​నగర్​ పోలీసులు వెంటనే సంఘటనా స్థలానికి చేరుకుని సహాయక చర్యలు చేపట్టారు. ప్రమాదం కారణంగా హైవేపై భాగ్యలత - హయత్‌నగర్ రూట్‌లో కిలోమీటర్ల మేర వాహనాలు నిలిచిపోయాయి. ప్రస్తుతం ఈ మార్గంలో ట్రాఫిక్ చాలా నెమ్మదిగా కదులుతోంది.