షాపర్స్ మేళా సీజన్-4ను ప్రారంభించిన మేయర్

దిశ, సిటీ బ్యూరో: మహిళా వ్యాపారవేత్తలు తమ ఉత్పత్తులను ప్రదర్శించడానికి నాంపల్లిలోని సిటీ కన్వెన్షన్ లో ఏర్పాటుచేసిన షాపర్స్ మేళా -సీజన్ 4ను నగర మేయర్ విజయలక్ష్మి గురువారం ప్రారంభించారు. ఈ కార్యక్రమానికి గౌరవ అతిథిగా సామాజికవేత్త బీనా మెహతా హాజరయ్యారు. ఈ సందర్భంగా మేయర్ విజయలక్ష్మి మాట్లాడుతూ.. భారతదేశంలోని 9 రాష్ట్రాల నుండి 120 కంటే ఎక్కువ స్టాల్స్‌తో, భారీ రకాల డిజైనర్ దుస్తులు, పాదరక్షలు, బహుమతులు, గృహాలంకరణ, ఇంటి నార, రాఖీ, వివాహ ప్యాకింగ్, రంగోలీ, ఆభరణాలు, హస్తకళలు, నోరూరించే ఫుడ్ కోర్టు నగర వాసులకు అందుబాటులో ఉన్నట్లు తెలిపారు.