సూడాన్ దేశస్తుడిని చితక్కొట్టిన హైదరాబాద్ యూత్

దిశ, తెలంగాణ క్రైం బ్యూరో: ర్యాష్‌గా కారు నడిపి బాలుడ్ని ఢీకొట్టి పారిపోయే యత్నం చేసిన సూడాన్ దేశస్తునికి స్థానికులు దేహశుద్ధి చేశారు. అనంతరం పోలీసులకు అప్పగించారు. కలకలం సృష్టించిన ఈ సంఘటన టోలిచౌక్ పారామౌంట్ కాలనీలో జరిగింది. గురువారం రాత్రి సూడాన్‌కు చెందిన మొహమ్మద్ కారును విపరీత వేగంతో నడుపుతూ ఓ బాలుడ్ని ఢీ కొట్టాడు. ఆ వెంటనే పారిపోవటానికి ప్రయత్నించాడు. అయితే, అతన్ని పట్టుకున్న స్థానికులు దేహశుద్ధి చేశారు. కారును ధ్వంసం చేశారు. అనంతరం మొహమ్మద్‌ను బంజారాహిల్స్ పోలీసులకు అప్పగించారు.