‘వర్క్ ఫ్రమ్ హోమ్ ఇచ్చేయండి’.. ఆ కంపెనీలకు పోలీసుల ఆదేశం

దిశ, వెబ్ డెస్క్ : హైదరాబాద్‌ నగరంలో రేపు అతి భారీ వర్షాలు కురవనున్నాయని, భారత వాతావరణశాఖ(IMD) హెచ్చరికలు చేసిన సంగతి తెలిసిందే. ఈ క్రమంలో ఐటీ సంస్థలకు కీలక ఆదేశాలు జారీ చేసారు పోలీసులు. కంపెనీలు తమ ఉద్యోగులకు వర్క్ ఫ్రమ్ హోమ్ (WFH) అవకాశం కల్పించాలని సూచించారు. హైదరాబాద్ జాయింట్ కమిషనర్ ఆఫ్ పోలీస్ (ట్రాఫిక్) జోయెల్ డేవిస్ ఐటీ కంపెనీలకు ఓ అడ్వైజరీని జారీ చేశారు. రోడ్లపై ట్రాఫిక్ రద్దీని తగ్గిస్తూ, ఉద్యోగుల భద్రత కోసం అలాగే అత్యవసర సేవలకు అంతరాయం కలగకుండా ఉండేందుకు ఈ నిర్ణయం తీసుకున్నట్టు పేర్కొన్నారు.