Vikarabad: బాలుడి కిడ్నాప్‌కు యత్నం.. చితకబాదిన స్థానికులు

దిశ, వెబ్ డెస్క్: వికారాబాద్ జిల్లా(Vikarabad District) యాలాల్ మండలం యోన్కెపల్లి(Yonkepally)లో బాలుడిని కిడ్నాప్(Boy Kidnap) ‌చేసేందుకు దుండగుడు యత్నించారు. రోడ్డు పక్కన వెళ్తున్న 8 ఏళ్ల బాలుడిని ఎత్తుకెళ్లారు. పెర్కంపల్లి తండా(Perkampally Thanda)లో బాలుడితో కిడ్నాపర్ అనుమానాస్పదంగా కనిపించారు. ఈ మేరకు కిడ్నాపర్‌ను స్థానికులు నిలదీశారు. అసలు విషయం బయటపడటంతో కిడ్నాపర్‌కు స్థానికులు దేహశుద్ధి చేశారు. అనంతరం పోలీసులకు అప్పగించారు. కిడ్నాపర్‌‌ను కొడంగల్ మండలం(Kodangal Mandal) పర్సాపూర్‌కు చెందిన వ్యక్తిగా గుర్తించారు. కేసు నమోదు చేసి దర్యాప్తు చేస్తున్నారు.