Telangana Weather: తెలంగాణకు భారీ వర్షసూచన.. ఈ జిల్లాలకు ఆరెంజ్ అలర్ట్
బంగాళాఖాతంలో ఏర్పడిన ద్రోణి ప్రభావం కారణంగా మరో రెండ్రోజులపాటు వర్షాలు కురిసే అవకాశం ఉన్నట్లు వాతావరణశాఖ తెలిపింది. ఈ క్రమంలో 16 జిల్లాలకు ఆరెంజ్ అలర్ట్ (Orange Alert), మిగతా జిల్లాలకు రెడ్ అలర్ట్ (Red Alert) జారీ చేసింది.
దిశ, వెబ్డెస్క్: ఏపీతో పాటు తెలంగాణలోనూ భిన్నవాతావరణం (Telangana Weather) కనిపిస్తోంది. పగలంతా మండుటెండ, సాయంత్రానికి సడెన్ గా మబ్బులు కమ్మి, బలమైన గాలులతో కూడిన వర్షాలు కురుస్తున్నాయి. బంగాళాఖాతంలో ఏర్పడిన ద్రోణి ప్రభావం కారణంగా మరో రెండ్రోజులపాటు వర్షాలు కురిసే అవకాశం ఉన్నట్లు వాతావరణశాఖ తెలిపింది. ఈ క్రమంలో 16 జిల్లాలకు ఆరెంజ్ అలర్ట్ (Orange Alert), మిగతా జిల్లాలకు రెడ్ అలర్ట్ (Red Alert) జారీ చేసింది.
రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, నల్లగొండ, సూర్యాపేట, మహబూబాబాద్, ములుగు, భద్రాద్రి కొత్తగూడెం, ఖమ్మం, వరంగల్, హన్మకొండ, సిద్దిపేట, జనగాం జిల్లాలకు ఆరెంజ్ అలర్ట్ జారీ చేశారు. గంటకు 40 నుంచి 50 కిలోమీటర్ల వేగంతో ఈదురుగాలులు వీస్తాయని తెలిపింది. మిగతా జిల్లాలకు హైదరాబాద్ వాతావరణ కేంద్రం (Hyderabad Weather Department) ఎల్లో అలర్ట్ జారీ చేసింది. హైదరాబాద్ లోనూ అక్కడక్కడా వర్షాలు కురుస్తాయని పేర్కొంది.
