ఇకపై అనుమతితోనే సెలవులు.. పంచాయతీరాజ్ శాఖ కీలక ఆదేశాలు

దిశ, తెలంగాణ బ్యూరో : ఇక నుంచి అనుమతితో సెలవులు తీసుకోవాలని, డ్యూటీలకు దూరం ఉంటే క్రమశిక్షణ చర్యలు తప్పవని పంచాయతీ రాజ్​శాఖ పేర్కొంది. ఈమేరకు గురువారం పంచాయతీ రాజ్​శాఖ సెక్రటరీ తెలంగాణలోని అన్నిముఖ్య కార్యనిర్వహణాధికారులు, జెడ్పీపీ, జిల్లా పంచాయతీ అధికారులకు ఉత్తర్వు నోట్​ను పంపారు. ఇందులో కొంతమంది ఉద్యోగులు అధికారుల నుంచి అనుమతి పొందకుండా దీర్ఘకాలిక సెలవుపై కొనసాగుతున్నారని పేర్కొన్నారు, ఆరు నెలల వ్యవధి పూర్తయిన తర్వాత వారు తమ ప్రస్తుత పోస్టింగ్ స్థలాన్ని మార్చమని అభ్యర్థనతో సీపీఆర్​ఆఫీసులో నివేదిస్తున్నారన్న విషయాన్ని గుర్తించామని తెలిపారు. దీంతోనే సెలవులపై సూచనలు జారీ చేశామని తెలిపారు. ఉద్యోగి అనుమతి లేకుండా సెలవుపై వెళ్లడం, విధులకు దూరంగా ఉన్న అన్ని సందర్భాల్లో, అవసరమైన క్రమశిక్షణ చర్యలు వెంటనే తీసుకోవడం జరుగుతందని ఉత్తర్వులో వివరించారు.