seethakka: నిరుద్యోగులకు మంత్రి సీతక్క గుడ్ న్యూస్

దిశ, తెలంగాణ బ్యూరో/డైనమిక్ బ్యూరో: నిరుద్యోగ యువ‌త‌కు ఇచ్చిన‌ మాట‌ను మా ప్రభుత్వం నిలబెట్టుకుంటోందని, ఉపాధి అవ‌కాశ‌ల కల్పన కోసం రాజీవ్ యువ వికాసం (Rajeev Yuva Vikasam) ద్వారా రాష్ట్ర అవతరణ దినోత్సవం సందర్భంగా జూన్ 2న ల‌బ్దిదారుల‌కు మంజూరు ప‌త్రాలు అంద‌జేయనున్నామని మంత్రి సీతక్క (Seethkka) చెప్పారు. ఇందులో భాగంగా రూ.ల‌క్ష లోపు యునిట్లకు మొద‌టి ద‌శ‌లో ప్రొసిడింగ్స్ ఇవ్వాల‌ని ప్రభుత్వం నిర్ణయించిందని చెప్పారు. ఓ వైపు ప్రభుత్వ ఉద్యోగాలను కల్పిస్తూనే మరో వైపు స్వయం ఉపాధి అవకాశాలను కల్పిస్తున్నామన్నారు. నిరుద్యోగుల పాలిట రాజీవ్ యువ వికాసం ఓ వరంలా నిలుస్తోంది నిరుద్యోగులంతా ఈ స్కీమ్ ను సద్వినియోగం చేసుకోవాలన్నారు. రాజీవ్ యువ వికాసం బ‌డుగు బ‌ల‌హీన వ‌ర్గాలు, పేద య‌వ‌త జీవితాల్లో వెలుగులు నింప‌నుందని చెప్పారు.