HYDRA : హైడ్రాలో డ్రైవర్ ఉద్యోగాలు.. భారీగా తరలివచ్చిన నిరుద్యోగ యువత

దిశ, వెబ్ డెస్క్ : హైదరాబాద్‌లోని హైడ్రా(Hyderabad Disaster Response and Assets Monitoring Agency) సంస్థలో ప్రకటించిన డ్రైవర్ ఉద్యోగాల(Driver Jobs) కోసం దరఖాస్తు చేసుకునేందుకు నిరుద్యోగ యువత భారీ సంఖ్యలో తరలి వచ్చారు. ఈ ఉద్యోగాలు HYDRA ఆధ్వర్యంలోని వివిధ విభాగాలలో 200 ఖాళీలను భర్తీ చేసేందుకు ఇటీవల నోటిఫికేషన్ విడుదల అయింది. ఈ పోస్టులన్నీ విపత్తు నిర్వహణ, ప్రభుత్వ ఆస్తుల పర్యవేక్షణ వంటి విభాగాలకు చెందిన వాహనాలు నడపడానికి సంబంధించినవిగా సమాచారం. ఈ ఉద్యోగాలకు డ్రైవింగ్ లైసెన్స్, సంబంధిత డ్రైవింగ్ అనుభవంతోపాటు 2022-2023 లో స్వల్ప మార్కులతో కానిస్టేబుల్ ఉద్యోగాలకు దూరమైన అభ్యర్థులు మాత్రమే అర్హులుగా హైడ్రా పేర్కొంది.

అందులో భాగంగా తెలంగాణ పోలీస్ రిక్రూట్మెంట్ బోర్డు(TSLPRB) ఇచ్చిన నివేదికలో పేర్లు ఉన్నవారి దరఖాస్తులు మాత్రమే సిబ్బంది స్వీకరించారు. కాగా ఈ ఉద్యోగాలకు దరఖాస్తు చేసుకునేందుకు వేల సంఖ్యలో నిరుద్యోగులు హైదరాబాద్ లోని హైడ్రా కార్యాలయానికి క్యూ కట్టడం గమనార్హం.