ఎన్నికల సన్నద్దతపై డీజీపీ వీడియో కాన్ఫరెన్స్
దిశ తెలంగాణ క్రైం బ్యూరో : త్వరలోనే అసెంబ్లీ ఎన్నికలు జరుగనున్న నేపథ్యంలో డీజీపీ అంజనీకుమార్ శుక్రవారం వీడియో కాన్ఫరెన్స్ నిర్వహించారు. అన్ని జిల్లాల ఎస్సీలు, కమిషనరేట్ల కమిషనర్లతో మాట్లాడిన డీజీపీ అంజనీకుమార్ఎన్నికల సందర్భంగా ఎలాంటి అవాంఛనీయ సంఘటనలు జరగకుండా కట్టుదిట్టమైన చర్యలు తీసుకోవాలని సూచించారు. మావోయిస్టు ప్రభావిత ప్రాంతాలపై ప్రత్యేక దృష్టిని కేంద్రీకరించాలని సూచించారు. ఈ సమీక్షా సమావేశంలో అదనపు డీజీలు మహేశ్భగవత్, స్వాతి లక్రా, సంజయ్కుమార్జైన్తోపాటు ఐజీ రమేశ్రెడ్డి తదితరులు పాల్గొన్నారు. ఈ సందర్భంగా ఎన్నికలను పురస్కరించుకుని చేపడుతున్న ఏర్పాట్లను కమిషనర్లు, ఎస్పీలు డీజీపీకి వివరించారు.
పోలీసుల కృషి ప్రశంసనీయం
వినాయక నిమజ్జన మహా శోభాయాత్ర ప్రశాంతంగా ముగిసేలా చూడటంలో పోలీసులు చేసిన కృషి ప్రశంసనీయమని డీజీపీ అంజనీకుమార్కొనియాడారు. లక్షలాది సంఖ్యలో జనం పాల్గొన్న నిమజ్జన యాత్ర శాంతియుతంగా ముగియటంలో సహకరించిన వేర్వేరు ప్రభుత్వ శాఖల అధికారులకు అభినందనలు తెలిపారు. పోలీస్కమాండ్కంట్రోల్‌లో ఏర్పాటు చేసిన వార్రూం నుంచి ఎప్పటికప్పుడు పరిస్థితిని సమీక్షిస్తూ ఆయా ప్రభుత్వ శాఖల అధికారులు క్షేత్రస్థాయిలో పని చేస్తున్న సిబ్బందికి సూచనలు ఇవ్వటం ద్వారా ఎలాంటి సమస్యలు తలెత్తకుండా చూడగలిగారన్నారు.
