సిట్‌తో ఉపయోగం లేదు.. పెద్దల హస్తం ఉంది : కాంగ్రెస్ ​ఎమ్మెల్సీ జీవన్ ​రెడ్డి

దిశ, తెలంగాణ బ్యూరో: టీఎస్‌పీఎస్సీ పేపర్​లీకేజీపై సీబీఐ ఎంక్వైరీ వేయాలని కాంగ్రెస్​ఎమ్మెల్సీ జీవన్​రెడ్డి డిమాండ్ చేశారు. రాష్ట్ర ప్రభుత్వ పరిధిలో ఉండే సిట్​తో ఎలాంటి ఉపయోగం లేదని విమర్శించారు. బుధవారం ఆయన హైదరాబాద్ లో మీడియాతో మాట్లాడుతూ.. సిట్​తో విచారణ కంటే సీబీఐతో చేయించడం మేలన్నారు. పేపర్​లీకేజీలో పెద్దల హస్తం ఉన్నదని ఈ నేపథ్యంలో సీబీఐతో ఎంక్వైరీ చేయించాలన్నారు.

జనార్ధన్​రెడ్డికి నైతికత ఉంటే వెంటనే రాజీనామా చేయాలన్నారు. మరోవైపు ప్రస్తుతం కేసీఆర్​దృష్టి అంతా లిక్కర్​స్కామ్​మీదనే అన్నారు. కవితను కాపాడేందుకు కేసీఆర్​అన్ని రకాలుగా ప్రయత్నాలు మొదలు పెట్టారన్నారు. ఢిల్లీ లిక్కర్​స్కామ్‌పై పెద్దలందరినీ విచారించాలన్నారు.