A Tale of Two States ‘విలీనం- విభజన’ పుస్తకం ఆవిష్కరించిన సీఎం చంద్రబాబు

దిశ, డైనమిక్ బ్యూరో: ప్రముఖ జర్నలిస్టు ఐ.వెంకట్రావు రాసిన ‘ఏ టేల్ ఆఫ్ టూ స్టేట్స్ పుస్తకాన్ని ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఆవిష్కరించారు. ఆదివారం హైదరాబాద్‌లోని తన నివాసంలో ఈ పుస్తకాన్ని ఆవిష్కరించారు. 'విలీనం- విభజన' పేరిట ఎన్. అనురాధ తెలుగులోకి ఈ పుస్తకాన్ని అనువదించారు. ఏపీ, తెలంగాణ రాష్ట్రాల విలీనం, విభజన అంశాలతో పాటు రెండు రాష్ట్రాలను పాలించిన 22 మంది ముఖ్యమంత్రుల పాలన కాలాన్ని కూడా ఈ పుస్తకంలో ప్రస్తావించారు. పరిశోధకులకు, భవిష్యత్ తరాలకు ఈ పుస్తకం ఎంతో ఉపయుక్తంగా ఉంటుందని ఈ సందర్భంగా సీఎం చంద్రబాబు నాయుడు వ్యాఖ్యానించారు. పుస్తకాన్ని తెలుగులోకి అనువదించిన అనురాధను అభినందించారు.