పౌరసరఫరాల శాఖ డైరెక్టర్ ముజామిల్ ఖాన్ బదిలీ

దిశ, వెబ్‌డెస్క్: రాష్ట్ర పౌరసరపరాల శాఖలో జాయింట్ ​సెక్రటరీగా, విధులు నిర్వర్తిస్తున్న ముజామిల్ ఖాన్‌ను ​జీఏడీకి బదిలీ చేస్తూ ప్రభుత్వం ఉత్తర్వులు జారీ చేసింది. ఈ మేరకు తాజాగా పౌర సరఫరాల డైరెక్టర్‌గా జడ్.హనుమంత్ కొడింబ నియమితులయ్యారు. హైదరాబాద్ చీఫ్ రేషనింగ్ అధికారిగా హనుమంత్‌కు అదనపు బాధ్యతలను అప్పగించారు. ఇక పౌర సరఫరాల శాఖ సంయుక్త కార్యదర్శిగా ఆరోగ్య, కుటుంబ సంక్షేమ శాఖ‌కు చెందిన ఆశా మసరత్​ ఖనమ్‌కు అడిషనల్ చార్జ్ కట్టబెట్టారు. బదిలీ అయిన అధికారులు తక్షణమే విధుల్లో చేరాలని సీఎస్ ​రామకృష్ణ రావు ఆదేశాలు జారీ చేశారు. గత రెండేళ్లుగా ఖమ్మం జిల్లా కలెక్టర్ విధులు నిర్వహించిన ముజామిల్ ఖాన్​ నెల రోజుల కితం పౌరసరఫరాల శాఖకు బదిలీ అయ్యారు. తాజాగా, మరోసారి ఆయన ట్రాన్స్‌ఫర్ అవ్వడం ఉద్యోగుల్లో హాట్ టాపిక్‌గా మారింది.