తెలంగాణ కేబినెట్ సమావేశం ప్రారంభం.. ఆ అంశాలపై సీఎం రేవంత్ రెడ్డి ఫోకస్

దిశ, డైనమిక్ బ్యూరో: తెలంగాణ మంత్రివర్గ సమావేశం మొదలైంది. సీఎం రేవంత్ రెడ్డి అధ్యక్షతన రాష్ట్ర సచివాలయంలో ఈ భేటీ కొనసాగుతోంది. ఎల్ నినో పరిస్థితుల నేపథ్యంలో రాష్ట్ర రైతాంగ సంక్షేమం, సాగునీటి ప్రాజెక్టుల భవిష్యత్ కు దిశానిర్దేశం చేసేలా ఈ భేటీలో పలు నిర్ణయాలు తీసుకోబోతున్నట్లు తెలుస్తోంది. పలు ప్రాజెక్టులకు సవరించిన అంచనాలు ముఖ్యంగా పాలమూరు-రంగారెడ్డి ఎత్తిపోతల వంటి పెండింగ్ ప్రాజెక్టుల వేగవంతం, నీటి లభ్యత ఆధారంగా సాగునీటి సరఫరా అంశాలపై మంత్రులతో సీఎం చర్చించే అవకాశం ఉన్నట్లు తెలుస్తోంది. అలాగే గ్రామ పంచాయతీలకు స్వయం ప్రతిపత్తి కల్పిస్తూ చట్టసవరణకు ఆమోదం తెలిపబోతున్నట్లు తెలుస్తోంది. పాలమూరు -రంగారెడ్డి, సీతారామ, దేవాదుల రీ ఎస్టిమేషన్స్ పై మంత్రిమండలి చర్చించే అవకాశం ఉంది. అలాగే పలు సంక్షేమ, అభివృద్ధి కార్యక్రమాలతో మెట్రో విస్తరణ విషయంలో కేందర్ వైఖరి, బుల్లెట్ ట్రైన్ అలైన్ మెంట్ల అంశంతో పాటు తాజా రాజకీయ పరిస్థితులపై చర్చించనున్నట్లు తెలుస్తోంది.