తెలంగాణ విద్యాశాఖలో భారీ బదిలీలు.. ఆ ఏడుగురు అధికారులకు స్థానచలనం

దిశ, తెలంగాణ బ్యూరో/డైనమిక్ బ్యూరో: తెలంగాణ పాఠశాల విద్యాశాఖలో బదిలీలపై ఉన్న నిషేధాన్ని ఎత్తివేస్తూ ప్రభుత్వం కీలక ఉత్తర్వులు జారీ చేసింది. పరిపాలనా కారణాల దృష్ట్యా విద్యాశాఖకు చెందిన ఏడుగురు జాయింట్ డైరెక్టర్లను (JD) బదిలీ చేస్తూ ప్రభుత్వం జీవో 111 ఉత్తర్వులను విడుదల చేసింది. ఈ బదిలీలు తక్షణమే అమలుల్లోకి వస్తాయని స్పష్టం చేసింది. విద్యాశాఖలో సుదీర్ఘ కాలంగా ఎదురుచూస్తున్న ఈ బదిలీల ప్రక్రియతో కీలక విభాగాల్లో కొత్త అధికారుల బాధ్యతల స్వీకరణకు మార్గం సుగమమైంది.

బదిలీ అయిన అధికారుల వివరాలు:

1.పి. రాజీవ్: సమగ్ర శిక్ష జాయింట్ డైరెక్టర్ స్థానం నుండి హైదరాబాద్‌లోని 'తెలంగాణ ఓపెన్ స్కూల్ సొసైటీ' (TOSS) జాయింట్ డైరెక్టర్‌గా బదిలీ అయ్యారు.

2.ఎం. సోమిరెడ్డి: తెలంగాణ ఓపెన్ స్కూల్ సొసైటీ జాయింట్ డైరెక్టర్ స్థానం నుండి హైదరాబాద్ రీజినల్ జాయింట్ డైరెక్టర్ (RJD)గా నియమితులయ్యారు.

3.కె.సత్యనారాయణ రెడ్డి: వరంగల్ రీజినల్ జాయింట్ డైరెక్టర్ (RJD) స్థానం నుండి మోడల్ స్కూల్స్ జాయింట్ డైరెక్టర్‌గా బదిలీ అయ్యారు. అదనంగా ఈయనకు అడిషనల్ డైరెక్టర్ (C) పూర్తి అదనపు బాధ్యతలను (FAC) అప్పగించారు.

4పి. మదన్ మోహన్: పాఠశాల విద్యాశాఖ డైరెక్టర్ కార్యాలయ జాయింట్ డైరెక్టర్ (Ser) స్థానం నుండి హైదరాబాద్ సమగ్ర శిక్ష జాయింట్ డైరెక్టర్ (I)గా బదిలీ అయ్యారు.

5.ఏ. ఉషారాణి: మాసాబ్ ట్యాంక్ ఐఏఎస్‌ఈ (IASE) ప్రిన్సిపాల్ స్థానం నుండి హైదరాబాద్ సమగ్ర శిక్ష జాయింట్ డైరెక్టర్ (II)గా నియమితులయ్యారు.

6..బి. వెంకట నరసమ్మ: సమగ్ర శిక్ష జాయింట్ డైరెక్టర్ స్థానం నుండి పాఠశాల విద్యాశాఖ డైరెక్టర్ కార్యాలయ జాయింట్ డైరెక్టర్ (Ser)గా బదిలీ అయ్యారు.

7.ఈ.విజయలక్ష్మి: హైదరాబాద్ రీజినల్ జాయింట్ డైరెక్టర్ (RJD) స్థానం నుండి వరంగల్ రీజినల్ జాయింట్ డైరెక్టర్ (RJD)గా బదిలీ అయ్యారు.