Sridhar Babu: ఇది మంచి కల్చర్ కాదు.. మంత్రులు, ఐఏఎస్ ఆఫీసర్స్ విషయంలో కథనాలపై మంత్రి శ్రీధర్ బాబు

దిశ, డైనమిక్ బ్యూరో: ప్రభుత్వ పెద్దలు, ఐఏఎస్ అధికారులపై దుష్ప్రచారం సరికాదని మంత్రి శ్రీధర్ బాబు (Sridhar Babu) అన్నారు. ఈ విషయంలో వచ్చిన కథనాలను ఖండిస్తున్నానన్నారు. ప్రభుత్వంలో ఎంతో నిష్పక్షపాతంగా పని చేస్తిన్న అధికారులు, ప్రభుత్వ పెద్దలపై తప్పుడు ప్రచారం మంచి కల్చర్ కాదని దయచేసి ఇలాంటివి ప్రచారం చేయొద్దని మీడియా సంస్థలకు సోషల్ మీడియా హ్యాండిల్స్ కి విజ్ఞప్తి చేశారు. ఇవాళ పెద్దపల్లి జిల్లా మంథనిలో పలు అభివృద్ధి పనులకు శంకుస్థాపన చేసిన శ్రీధర్ బాబు ఈ సందర్భంగా మీడియాతో మాట్లాడుతూ ఈ వ్యాఖ్యలు చేశారు. కాగా ఓ మహిళా ఐఏఎస్ అధికారిణి, మంత్రిపై వెలువరించిన కథనంపై ఐఏఎస్ ఆఫీసర్స్ అసోసియేషన్ ఇచ్చిన ఫిర్యాదు మేరకు తాజాగా సైబర్ క్రైమ్ పోలీసులు పలు న్యూస్ చానల్స్, సోషల్ మీడియా హ్యాండిల్స్ పై కేసు నమోదు చేశారు.