అంజన్నను భక్తితో మొక్కిన వానరం..

దిశ, ఆసిఫాబాద్ : కొమురం భీం ఆసిఫాబాద్ జిల్లా దహెగాంలోని రామాలయంలో ఆదివారం ఒక ఆసక్తికర ఘటన చోటుచేసుకుంది. ఆలయంలోకి ప్రవేశించిన ఓ వానరం నేరుగా హనుమాన్ విగ్రహం వద్దకు వెళ్లి మొక్కింది. అనంతరం అక్కడి తీర్థాన్ని తాగి కొంతసేపు స్వామివారి చెంతనే గడిపింది. ఈ దృశ్యాన్ని చూసిన భక్తులు ఆశ్చర్యపోయారు. వానరాన్ని హనుమంతుడి స్వరూపంగా భావించి కొందరు పూజలు చేశారు. ఈ ఉదంతంతో ఆలయంలో ఆధ్యాత్మిక వాతావరణం నెలకొంది.