HYD: మాదాపూర్‌లో ఒరిగిన భవనం.. భయంతో పరుగులు తీసిన జనం

దిశ, వెబ్‌డెస్క్: హైదరాబాద్‌(Hyderabad)లోని మాదాపూర్‌(Madapur)లో షాకింగ్ ఇన్సిడెంట్ చోటుచేసుకుంది. సిద్ధిఖ్‌నగర్‌(Siddiq Nagar)లో భవనం ఒక పక్కకు ఒరిగింది. దీంతో కూలుతుందేమోనని స్థానికులంతా భయంతో పరుగులు తీశారు. విషయం తెలిసిన వెంటనే పోలీసులు, అధికారులు అక్కడకు చేరుకొని పరిస్థితిని పరిశీలించారు. భవనం ఏ క్షణమైనా కూలే అవకాశం ఉందని సమీప ప్రజలను అక్కడినుంచి ఖాళీ చేయిస్తున్నారు. ప్రస్తుతానికి ఎవరికీ ఎలాంటి ప్రమాదం జరుగకపోవడంతో అంతా ఊపిరి పీల్చుకున్నారు. అనుమతులు లేకుండా, నాణ్యత లేకుండా నిర్మాణాలు చేపట్టడం మూలంగానే ఈ తరహా పరిస్థితులు ఏర్పడుతున్నాయని అధికారులు అనుమానం వ్యక్తం చేస్తున్నారు. ఈ భవనాన్ని కూల్చివేస్తేనే బెటర్ అని అధికారులతో స్థానికులు మొర పెట్టుకుంటున్నట్లు సమాచారం.