కోటి రూపాయల విరాళం ఇచ్చిన సూర్య బ్రదర్స్

దిశ, సినిమా : తమిళనాడు ముఖ్యమంత్రిగా ఎన్నికైన ఎంకే స్టాలిన్‌కు సెలబ్రిటీల నుంచి శుభాకాంక్షలు వెల్లువెత్తుతుండగా.. ప్రస్తుతం నటులు సూర్య, కార్తితో పాటు వారి ఫాదర్ శివకుమార్ కూడా ఈ లిస్టులో చేరిపోయారు. తాజాగా సీఎం స్టాలిన్‌ను కలిసి విషెస్ తెలిపిన ఈ ఫ్యామిలీ మెంబర్స్.. కొవిడ్-19 సెకండ్ వేవ్‌ను సమర్థవంతంగా ఎదుర్కొనేందుకు గాను తమిళనాడు ముఖ్యమంత్రి ప్రజా సహాయ నిధికి కోటి రూపాయలు విరాళంగా అందజేశారు.

ఈ సందర్భంగా మీడియాతో మాట్లాడిన శివకుమార్.. తమిళ్ నేర్చుకున్న వారికి ఉపాధి కల్పించాలని సీఎంను కోరినట్టు వెల్లడించారు. అంతేకాదు మాజీ సీఎం ఎం. కరుణానిధి తనకు నాలుగు దశాబ్దాలుగా తెలుసని, ఇప్పుడు ఆయన కొడుకు ముఖ్యమంత్రి కావడం సంతోషంగా ఉందని తెలిపారు.