ICC టెస్ట్ ర్యాంకింగ్స్‌లో టీమిండియా జోరు.. నెంబర్‌వన్ బౌలర్‌గా జస్ప్రీత్ బుమ్రా

దిశ, వెబ్‌డెస్క్: అంతర్జాతీయ క్రికెట్ కౌన్సిల్ (ICC) తాజాగా విడుదల చేసిన టెస్ట్ ర్యాంకింగ్స్‌లో టీమిండియా (Team India) ఆటగాళ్లు అదరగొట్టారు. భారత స్టార్ పేసర్ జస్ప్రీత్ బుమ్రా (Jasprit Bumrah) బౌలింగ్ విభాగంలో నెంబర్‌వన్ అగ్రస్థానాన్ని పదిలం చేసుకోగా, బ్యాటింగ్ విభాగంలో యువ ఆటగాళ్లు శుభ్‌మన్ గిల్ (Shubhman Gill), యశస్వి జైస్వాల్ (Yashasvi Jaiswal) టాప్ 10లో చోటు సంపాదించి సత్తా చాటారు. అదేవిధంగా రిటైర్ అయిన భారత వెటరన్ స్పిన్నర్ రవిచంద్రన్ అశ్విన్ కూడా బౌలింగ్ ర్యాంకింగ్స్‌లో టాప్ 5లో కొనసాగుతుండటం విశేషం. ఆల్‌రౌండర్ల జాబితాలో రవీంద్ర జడేజా (Ravindra Jadeja) తన ఆధిపత్యాన్ని కొనసాగిస్తూ అగ్రస్థానంలో నిలిచారు. ప్రపంచ టెస్ట్ ఛాంపియన్‌షిప్ (WTC) ఫైనల్ రేసులో ఉన్న భారత్‌కు, కీలక ఆటగాళ్లందరూ ఫామ్‌లో ఉండి అత్యుత్తమ ర్యాంకుల్లో కొనసాగడం సంతోషదాయకం