ఆఫ్ఘనిస్తాన్ అసిస్టెంట్ కోచ్ గా.. టీమిండియా మాజీ ఫీల్డింగ్ కోచ్ శ్రీధర్

దిశ, వెబ్ డెస్క్: భారత క్రికెట్ టీమ్ మాజీ ఫీల్డింగ్ కోచ్, హైదరాబాద్ కు చెందిన శ్రీధర్.. ఆఫ్ఘనిస్తాన్ క్రికెట్ జట్టుకు అసిస్టెంట్ కోచ్ గా నియమితుడయ్యాడు. సెప్టెంబర్ లో న్యూజిలాండ్ తో జరగబోయే ఏకైక టెస్ట్ మ్యాచ్ తో పాటు, సౌతాఫ్రికా తో జరిగే 3 వన్డేల సిరీస్ లో ఆఫ్ఘన్ జట్టుకు శ్రీధర్ సేవలందించనున్నాడు. ఈ రెండు సిరీసుల్లోనూ.. శ్రీధర్ తన పాత్రను క్రియాశీలంగా నిర్వహించి, భవిష్యత్తులో కూడా లాంగ్ టర్మ్ కాంట్రాక్టు ను అందుకోవాలని కోరుకుంటున్నట్లు ఆఫ్ఘన్ క్రికెట్ బోర్డు బుధవారం ప్రకటన విడుదల చేసింది.