రికార్డుకెక్కిన IPL 2025 ఫైనల్ మ్యాచ్

దిశ, వెబ్ డెస్క్ : IPL 2025 సరికొత్త రికార్డులు సృష్టించింది. టీ20 క్రికెట్ చరిత్రలోనే అత్యధిక వ్యూస్ పొంది రికార్డుకెక్కింది. జూన్ 3న అహ్మదాబాద్ వేదికగా RCB, PBKS జట్ల మధ్య ఐపీఎల్ 2025 ఫైనల్ మ్యాచ్ జరిగిన సంగతి తెలిసిందే. ఈ మ్యాచ్ లో 6 పరుగుల తేడాతో బెంగుళూరు జట్టు తొలిసారి టైటిల్ ను చేజిక్కించుకుంది. కోట్లాది అభిమానులు ఉన్న RCB జట్టు ఫైనల్ కు చేరడంతో ఈ మ్యాచ్ కు రికార్డుస్థాయి 840 బిలియన్ల వ్యూస్ వచ్చాయని జియో హాట్ స్టార్ ప్రకటించింది. ఈ మ్యాచ్ ను టీవీల్లో ఏకంగా 169 మిలియన్ల మంది వీక్షించారని, 16.74 బిలియన్ నిముషాల వాచ్ టైం నమోదు అయిందని వెల్లడించింది. ఇంత ఎక్కువ వ్యూస్ రావడం టీ20 చరిత్రలోనే కాదు, ఐపీఎల్ హిస్టరీలో కూడా ఇదే రికార్డు కావడం గమనార్హం.