ఈస్పోర్ట్స్ వరల్డ్ కప్‌కు అర్హత సాధించిన అర్జున్ ఎరిగైసీ

దిశ, స్పోర్ట్స్: భారత చెస్ గ్రాండ్ మాస్టర్ అర్జున్ ఎరిగైసీ అరుదైన ఘనత సాధించాడు. త్వరలో సౌదీ అరేబియాలోని రియాద్‌ వేదికగా జరగనున్న ఈస్పోర్ట్స్ వరల్డ్ కప్ (ఈడబ్ల్యూసీ) 2025కు అర్హత సాధించాడు. ఈ ఘనత సాధించిన తొలి భారత చెస్ ప్లేయర్‌గా అర్జున్ నిలిచాడు. మొత్తం 118 మంది పాల్గొన్న చెస్ డాట్ కామ్ క్లాసిక్‌ టోర్నీలో ప్లే-ఇన్ స్విస్ దశలో 7/9 పాయింట్లతో నాలుగో స్థానంలో నిలిచాడీ చెస్ గ్రాండ్‌ మాస్టర్. చెస్ డాట్ కామ్ క్లాసిక్‌ ప్లేఆఫ్స్‌కు చేరడంతో అతను ఈడబ్ల్యూసీకి అర్హత సాధించినట్లు నిర్వాహకులు తెలిపారు.