భారత్‌పై గెలవాలంటే అదృష్టం ఉండాలి : ఫిలిప్ సాల్ట్

దిశ, స్పోర్ట్స్ : టీ20 ప్రపంచకప్-2026లో టీమిండియాపై గెలవాలంటే అదృష్టం ఉండాలని ఇంగ్లాండ్ బ్యాటర్ ఫిలిప్ సాల్ట్ చెప్పాడు. తాజాగా ఓ ఇంటర్వ్యూలో సాల్ట్ మాట్లాడుతూ.. టీ20 ఫార్మాట్‌లో భారత జైత్రయాత్ర కొనసాగిస్తుందన్నాడు. టీ20 ప్రపంచకప్‌లో ఇండియాతో ముప్పు పొంచి ఉందన్నాడు.‘టీమిండియాను ఓడించాలంటే ఎవరికైనా కాస్త అదృష్టం ఉండాలి. వరల్డ్ కప్‌లో ఆ టీమ్ చాలా బలమైనది.’అని వ్యాఖ్యానించాడు. అలాగే, అభిషేక్ శర్మపై ప్రశంసలు కురిపించాడు. ‘అతను మొదటి బంతినే సిక్స్‌ కొట్టగలడు. అతని ఆట నాకు ఇష్టం. అభిషేక్ బ్యాటింగ్‌ను ఎంజాయ్ చేస్తా. నేను ఎప్పటికీ అతన్ని కాలేను. అతనెప్పుడూ నేను కాదు.’అని చెప్పుకొచ్చాడు.