రికార్డు బుక్స్‌లోకి హర్మన్‌ప్రీత్.. ఏకైక మహిళా క్రికెటర్‌గా ఘనత

దిశ, స్పోర్ట్స్ : భారత మహిళల క్రికెట్ జట్టు కెప్టెన్ హర్మన్‌ప్రీత్ కౌర్ రికార్డు బుక్స్‌లో తన పేరును లిఖించుకుంది. మహిళల అంతర్జాతీయ క్రికెట్‌లో అత్యధిక మ్యాచ్‌లు ఆడిన ప్లేయర్‌గా ఘనత సాధించింది. ఆస్ట్రేలియాతో రెండో టీ20 ఆడటం ద్వారా ఆమె ఈ రికార్డు నెలకొల్పింది. భారత్‌ తరపున ఆమెకు ఇది 356వ అంతర్జాతీయ మ్యాచ్. న్యూజిలాండ్ క్రికెటర్ సుజీ బేట్స్(355)‌ను వెనక్కినెట్టింది. ఆ తర్వాతి స్థానాల్లో ఆస్ట్రేలియాకు చెందిన ఎల్లీస్ పెరరీ(349), భారత మాజీ క్రికెటర్ మిథాలీ రాజ్(333), ఇంగ్లాండ్‌కు చెందిన చార్లెట్ ఎడ్వర్డ్స్(309) ఉన్నారు. 2009‌లో అంతర్జాతీయ క్రికెట్‌లోకి అడుగుపెట్టిన హర్మన్ ఇప్పటివరకు ఆరు టెస్టులు, 161 వన్డేలు, 189 టీ20‌లు ఆడింది.