Real Boom : రాష్ట్ర రాజధానిలో రియల్ బూమ్.. గజం ధర రూ.3 లక్షలు..! రియల్ ఎస్టేట్ రూమర్స్‌కు చెక్

దిశ, కూకట్​పల్లి : రాష్ట్ర రాజధాని హైదరాబాద్​లో రియల్​ ఎస్టేట్​ బూమ్​ తగ్గడంలేదు. ఖాళీ జాగలకు కోట్లలలో ధరలు పలుకుతున్నాయి. కేపీహెచ్​బీ కాలనీలో జరిగిన హౌసింగ్​ బోర్డు స్థలాల వేలం పాటలో ఒక ప్లాట్​ ఏకంగా గజం రూ. 2.98 లక్షలు వేలం పాటలో ఒకరు సొంతం చేసుకోవడంతో సర్వత్రా చర్చ ప్రారంభం అయింది. గత కొంత కాలంగా రియల్​ ఎస్టేట్​కు బ్రేక్​ పడిందని జరుగుతున్న చర్చకు హౌసింగ్​ బోర్డు వేలంలో పలికిన ధరలు చూస్తుంటే రియల్​ ఎస్టేట్​కు రెక్కలు వచ్చినట్టేనని పలువురు చర్చించుకుంటున్నారు. తెలంగాణ ప్రభుత్వం అభివృద్ధి పనులకు నిధుల సమీకరణలో భాగంగా రాష్ట్రంలోని రాజీవ్​ గృహకల్ప, హౌసింగ్​ బోర్డు శాఖల ఆధీనంలో ఉన్న భూములను విక్రయించేందుకు నిర్ణయం తీసుకున్నది. ఈ క్రమంలోనే హసింగ్​ బోర్డు వెస్ట్రన్​ విభాగం పరిధిలోని హౌసింగ్​ బోర్డు ఆస్తుల వేలం కార్యక్రమాన్ని నిర్వహించారు. హౌసింగ్​ బోర్డు భూముల వేలంలో గరిష్ఠంగా కేపీహెచ్​బీ కాలనీ 7వ ఫేజ్​లోని ప్లాట్​ నంబర్​ 22లోని 151.92 గజాల ప్లాట్​ ధర గజానికి రూ. 2.98 లక్షల ప్రకారం మెత్తం 3,39,54,120 రూపాయలకు ప్లాట్​ విక్రయించారు. అదే విధంగా కనిష్ఠంగా కైత్లాపూర్​లోని 36.16 గజాల స్థలానికి గజానికి 1.14 లక్షల రూపాయల చొప్పున 30,91,680 రూపాయలకు స్థలాన్ని విక్రయించారు. హౌసింగ్​ బోర్డు పరిధిలోని కేపీహెచ్​బీకాలనీ 7వ ఫేజ్​, ఎంఐజీ, కైత్లాపూర్​ పరిధిలోని మొత్తం 18 ఆస్తులకు సంబంధించి సుమారు 6,236 చదరపు గజాల ఖాళీ స్థలాలను వేలంలో విక్రయించగా ఏకంగా 142 కోట్ల రూపాయలు హౌసింగ్​ బోర్డుకు ఆదాయం వచ్చింది. వేలంలో మొత్తం 86 మంది పాల్గొన్నారు.

హౌసింగ్​ బోర్డు పరిధిలోని ఆస్తుల ధరలు

ప్లాటు విస్తీర్ణం (గజాల్లో) ధర (గజానికి)

ఎంఐజీ 54 194.44 2.52 లక్షలు

ఎంఐజి 55 194.44 2.50 లక్షలు

ఎంఐజి 56 194.44 2.42 లక్షలు

ఎంఐజి 57 194.44 2.35 లక్షలు

ప్లాట్​ నం.17 220.38 2.81 లక్షలు

ప్లాట్​ నం.18 254.44 2.40 లక్షలు

ప్లాట్​ నం.19 292 2.88 లక్షలు

ప్లాట్​ నం.20 249.32 2.71 లక్షలు

ప్లాట్​ నం.21 270.02 2.72 లక్షలు

ప్లాట్​ నం.22 151.92 2.98 లక్షలు

ప్లాట్​ నం.23 266.84 2.42 లక్షలు

ప్లాట్​ నం.24 921.13 1.90 లక్షలు

ప్లాట్​ నం.25 789.27 1.70 లక్షలు

ప్లాట్​ నం.26 978.92 1.80 లక్షలు

ప్లాట్​ నం.27 484.6 2.17 లక్షలు

ప్లాట్​ నం.28 389.39 1.84 లక్షలు

ప్లాట్​ నం.29 446 2. 2.22 లక్షలు

కైత్లాపూర్.౩౦ 36.16 1.14 లక్షలు