హైదరాబాద్‌కు రావాలంటే స్లాట్ బుకింగ్‌ చేసుకోవాల్సిందే..!
దిశ, తెలంగాణ బ్యూరో: విదేశాల నుంచి హైదరాబాద్‌కు వచ్చే ప్రయాణీకులు ఆర్టీపీసీఆర్టెస్టు కొరకు ముందే స్లాట్బుక్ చేసుకోవాలని కేంద్రం తేల్చి చెప్పింది. ఒమిక్రాన్ నేపథ్యంలో ఈ నిర్ణయం తీసుకున్నట్లు పేర్కొన్నది. ఎయిర్సువిధా పోర్టల్‌లో సెల్ఫ్డిక్లరేషన్‌తో పాటు టెస్టు స్లాట్చేసుకోవచ్చని పేర్కొన్నది. ఈ నెల 20వ తేది నుంచి ఈ నిబంధనలు అమల్లోకి రానున్నట్లు అధికారులు తెలిపారు. వైరస్ వ్యాప్తి చెందకుండా ఎయిర్పోర్టులలో రద్దీని తగ్గించేందుకు ఈ విధానం ఉపయోగపడుతుందని డాక్టర్లు చెబుతున్నారు.
ఇదిలా ఉండగా శంషాబాద్ఎయిర్పోర్టులో ఆర్టీపీసీఆర్ టెస్టులకు అధిక ధరలు తీసుకుంటున్నారని ఇప్పటికే పలువురు ప్రయాణీకులు వైద్యారోగ్యశాఖకు ఫిర్యాదు చేశారు. దీంతో ప్రభుత్వం నిర్ణయించిన ధరకే టెస్టులు నిర్వహించాలని ఆరోగ్యశాఖ మరోసారి ఆదేశించింది. కానీ సమయాన్ని దృష్టిలో పెట్టుకునే టెస్టు ధరను వసూల్ చేస్తున్నామని ఎయిర్పోర్టులో టెస్టులు నిర్వహిస్తున్న ప్రైవేట్ల్యాబ్ చెబుతున్నది. టెస్టు నిర్ధారణకు అతి ఖరీదైన రసాయనాలు వాడుతున్నామని, అందుకు ధరలు ఎక్కువ తీసుకుంటున్నట్లు ల్యాబ్నిర్వహుకులు చెప్పుకొస్తున్నారు. సగటున ఒక్కో టెస్టుకు 3500 నుంచి 4 వేల వరకు తీసుకుంటున్నట్లు సమాచారం.
