శృంగారంలో మునిగితేలుతాం.. మజా రాలేదంటే కొడుతం, తన్నుతం.. సంచలన విషయాలు బయటపెట్టిన అధ్యయనం

దిశ, ఫీచర్స్ : ఆస్ట్రేలియన్ ఇన్‌స్టిట్యూట్ ఆఫ్ ఫ్యామిలీ స్టడీస్ (AIFS) నిర్వహించిన అధ్యయనం సంచలన విషయాలు బయటపెట్టింది. ‘టెన్ టు మెన్’ అనే ప్రపంచంలోనే మొట్టమొదటి లాంగిట్యూడినల్ అధ్యయనం.. 18–65 సంవత్సరాల వయస్సు గల ఆస్ట్రేలియా పురుషుల్లో ముగ్గురిలో ఒకరు (35%) తమ ఇంటిమేట్ పార్టనర్ వైలెన్స్ చేసినట్లు నివేదించారు. ఈ రేటు 2013–14లో నలుగురిలో ఒకరు ఉండగా.. ఇప్పుడు పెరిగింది. 2013–14 నుండి 2022 వరకు నిర్వహించిన ఈ అధ్యయనం.. 2023–24లో అదనంగా 10,000 మంది పురుషులను చేర్చి... 16,000 మందిని ట్రాక్ చేసింది. ఆస్ట్రేలియాలో పురుషులు తమ శృంగార భాగస్వాములను టార్చర్ చేయడం గురించి మొదటి జాతీయ అంచనాను అందించింది. సంవత్సరానికి సుమారు 1,20,000 మంది పురుషులు ఈ పనిలో ఉన్నారని గుర్తించింది.

కీలక అంశాలు :

* ఎమోషనల్ అబ్యూస్ అత్యంత సాధారణంగా మారింది. 32% మంది పురుషులు తమ ఇంటిమేట్ పార్టనర్‌ను భయపెట్టారు. ఆందోళనకు గురిచేశారు.

* 9% మంది ఫిజికల్ అబ్యూస్ చేసినట్లు నివేదించారు. కోపంలో ఉన్నప్పుడు పార్టనర్‌ను కొట్టడం, తన్నడం చేశారు.

* ఒక దశాబ్దంలో 24% నుండి 35%కి పెరగడం ఆందోళన కలిగిస్తుంది. జెండర్-ఆధారిత హింసను అరికట్టడానికి జాతీయ ప్రయత్నాలు ఉన్నప్పటికీ ఈ పరిస్థితులు నెలకొనడం భయంకరంగా ఉందని అంటున్నారు నిపుణులు.

ప్రమాద కారకాలు:

* 2013–14లో తీవ్రమైన డిప్రెసివ్ లక్షణాలు ఉన్న పురుషులు 2022 నాటికి భాగస్వామిని కొట్టే అవకాశం 62% ఎక్కువగా ఉంది. స్వల్ప లక్షణాలు ఉన్నవారు 32% ఎక్కువ అవకాశం కలిగి ఉన్నారు.

* ఆత్మహత్య ఆలోచనలు, ప్రణాళికలు చేసిన పురుషులు వాయిలెన్స్‌కు పాల్పడే అవకాశం 47% ఎక్కువ.

* డిప్రెసివ్ లక్షణాలు ఉన్న కొద్ది మంది పురుషులు మాత్రమే ఇలా చేస్తున్నారని తెలిపిన అధ్యయనం.. వ్యక్తిగత అంచనాల అవసరాన్ని నొక్కి చెప్పింది.