మనీష్ మల్హోత్రాను మమ్మీతో పోల్చిన హీరోయిన్

దిశ, సినిమా: యూనిక్ ఫ్యాషన్స్‌తో బాలీవుడ్ స్టార్స్‌‌‌ను కొత్తగా ప్రజెంట్ చేసే ఫ్యాషన్ డిజైనర్ మనీష్ మల్హోత్రా.. వారి ఆన్‌స్క్రీన్ అప్పియరెన్స్‌‌ ఆకట్టుకునేలా డిజైన్స్ రూపొందిస్తుంటాడు. ఈ క్రమంలో దాదాపు బీటౌన్ హీరోయిన్స్ అందరితోనూ క్లోజ్‌గా మూవ్ అయ్యే మనీష్.. అప్పుడప్పుడూ వారిని లంచ్, డిన్నర్స్‌కు ఆహ్వానించి సర్‌ప్రైజ్ చేస్తుంటాడు. ఈ మధ్యే కపూర్ సిస్టర్స్ జాన్వీ, ఖుషీని డిన్నర్‌కు పిలిచిన ఫ్యాషన్ డిజైనర్.. తాజాగా సారా అలీ ఖాన్‌తో పాటు ఆమె తల్లి, ప్రముఖ నటి అమృతా సింగ్‌కు వెల్‌కమ్ చెప్పి, డిలీషియస్ డిన్నర్ ప్లాన్ చేశాడు. ఈ ప్రోగ్రామ్ పూర్తయిన తర్వాత మనీష్‌కు ఇన్‌స్ట్రామ్‌లో కృతజ్ఞతలు తెలిపిన సారా.. టేస్టీ ఐటమ్స్‌తో కూడిన ప్లేట్‌ను కూడా పోస్ట్ చేసింది. ఈ ఫొటోలో వారితో పాటు ఫేమస్ స్టైలిస్ట్ అమీ పటేల్ కూడా ఉన్నారు.

కాగా, ఇంటికి పిలిచి రుచికరమైన భోజనం అందించిన మనీష్‌కు ఈ పోస్టు ద్వారా థాంక్స్ చెప్పిన సారా.. అతన్ని మమ్మీతో పోల్చింది. ఇక కెరీర్‌పరంగా చూస్తే.. వరుణ్ ధావన్‌తో కలిసి ‘కూలీ నం.1’ చిత్రంలో కనిపించిన సారా.. ప్రస్తుతం ఆనంద్ ఎల్ రాయ్ డైరెక్షన్‌లో నటించిన ‘అత్రంగి రే’ సినిమా కోసం ఎదురుచూస్తోంది.