సక్సెస్ సెలబ్రేషన్స్ లో సామ్-చై.. అన్నింటికి సమాధానం చెప్తానంటున్న అక్కినేని కోడలు

దిశ, వెబ్‌డెస్క్: అక్కినేని సమంత పట్టరాని సంతోషంలో ఉంది. ఈ సంతోషంలోనే అభిమానులతో ముచ్చటించనుంది. గత కొన్నిరోజులుగా సోషల్ మీడియాలో నాగచైతన్య- సమంత విడాకుల రూమర్లు ఎంతటి సంచలనాన్ని సృష్టిస్తున్నాయో ప్రత్యేకంగా చెప్పాల్సిన అవసరం లేదు. ఈ పుకార్లపై అక్కినేని ఫ్యామిలీ నోరు విప్పింది లేదు.. ఇక మరోవైపు సామ్ కూడా సమయం వచ్చినప్పుడు అన్ని ప్రశ్నలకు సమాధానం చెప్తాను అంటూ మాట దాటేసింది. ఇక ఈ జంట ప్రస్తుతం ఈ రూమర్లను పక్కనపెట్టి ఎవరిపనులలో వారు బిజీగా మారారు, చైతూ ‘లవ్ స్టోరీ’ విడుదలై సక్సెస్ సాధించిన విషయం తెలిసిందే. ప్రస్తుతం ఆ సినిమా సక్సెస్ సెలబ్రేషన్స్ లో చై ఉన్నాడు. ఇటుపక్క సామ్ ఏడాది క్రితం బట్టల వ్యాపారంలోకి అడుగుపెట్టిన సంగతి తెలిసిందే.

సాకీ పేరుతో మొదలైన ఈ బ్రాండ్ మొదలై నేటికి ఏడాది పూర్తవుతుంది. ఇక ఈ వన్ ఇయర్ సెలబ్రేషన్స్ లో సామ్ పాల్గొంటుంది. ఇందులో భాగంగా ఈ రోజు (సెప్టెంబర్‌ 28) సాయంత్రం 5 గంటలకు సమంత ఆన్‌లైన్‌లోకి రానున్నట్లు తెలిపింది. ఇక ఉదయం 11 గంటలకు ‘వన్‌ విత్‌ సాకీ’ ని సమంత ఎలా సెలబ్రేట్‌ చేసుకుంటుందో ఐజీ స్టోరీలో అడగండి అంటూ ఓ పోస్ట్‌ చేసింది. ఇక ఎప్పటినుంచో ఈ అవకాశం కోసం ఎదురుచూస్తున్న అభిమానులు ఎగిరిగంతేస్తున్నారు. ఇప్పటివరకు వారి మనస్సులో నెలకొన్న అనుమానాలను అన్ని సామ్ ముందు ఏకరువు పెట్టడానికి రెడీ ఐపోతున్నారు. మరి అభిమానుల ప్రశ్నలకు అక్కినేని కోడలు తడబడకుండా నిజం చెప్తుందా..? లేక తెలివిగా తప్పించుకొంటుందా..? అనేది చూడాలి.