ఫోర్బ్స్ అండర్-30 జాబితాలో సాయిపల్లవి

తన నటన, డ్యాన్స్‌తో మంత్రముగ్దులను చేస్తున్న నటి సాయిపల్లవి తాజాగా ఫోర్బ్స్ ఇండియా అండర్ -30 జాబితాలో చోటు సంపాదించింది. 30 ఏళ్ల లోపు ఉన్నవారు తమ తమ రంగాల్లో సాధించిన విజయాలకు గాను ఈ జాబితాలో చోటు దక్కుతుంది. సాయిపల్లవి నటనకు గుర్తింపుగా ఆమెకు ఈ జాబితాలో 27వ స్థానం దక్కింది. నటనకు ప్రాధాన్యం ఇచ్చే పాత్రలను మాత్రమే ఎంచుకునే ఈ తమిళ భామ తాజాగా తెలుగులో రానాతో కలిసి ‘విరాటపర్వం’, శేఖర్ కమ్ముల సారథ్యంలో రూపొందుతున్న ‘లవ్ స్టోరీ’ చిత్రంలో నటిస్తోంది.