థీమ్ పార్కుల్లో రోబో డాల్ఫిన్స్?

by  |

దిశ, వెబ్‌డెస్క్ : విశ్వంలోని అత్యంత తెలివైన జంతువుల్లో డాల్ఫిన్ కూడా ఒకటి. అందుకే దానికి విభిన్న విన్యాసాలు నేర్పించి, థీమ్ పార్కుల్లో ప్రదర్శనలు నిర్వహిస్తుంటారు. ఈ డాల్ఫిన్ల విన్యాసాల వల్ల బిలియన్ డాలర్లలో వ్యాపారం జరుగుతుందని చాలా తక్కువ మందికి తెలుసు. కానీ వ్యాపారం వంకతో మూగజీవులను ఇన్ని రకాలుగా హింస పెట్టడం ఏమాత్రం సబబుకాదు. అందుకే ఈ సమస్యకు పరిష్కారం టెక్నాలజీ ద్వారా దొరికింది. అవును.. థీమ్ పార్కుల్లో నిజమైన డాల్ఫిన్ల స్థానంలో రోబో డాల్ఫిన్లను పెట్టి విన్యాసాలు చేయించేందుకు రంగం సిద్ధమవుతోంది. రోబోలు చేసే విన్యాసాలు చూస్తే మజా ఏం వస్తుందని దిగులు పడకండి. ఈ రోబో డాల్ఫిన్లు అచ్చంగా నిజమైన డాల్ఫిన్లను పోలి ఉంటాయి. ఎంతలా అంటే.. చూసేవారు అది రోబో డాల్ఫిన్ అని చెప్తే కూడా నమ్మలేనంత రియలిస్టిక్‌గా ఉంటాయి.

అమెరికాకు చెందిన ఎడ్జ్ ఇన్నోవేషన్స్ సంస్థలోని యానిమేట్రోనిక్, స్పెషల్ ఎఫెక్ట్స్ విభాగం వారు ఈ రోబో డాల్ఫిన్లను తయారు చేశారు. వీటి ధర 3 మిలియన్ల నుంచి 5 మిలియన్ల వరకు ఉంటుంది. రిమోట్ కంట్రోల్ ద్వారా నియంత్రించే ఈ డాల్ఫిన్లు నిజమైన డాల్ఫిన్ల మాదిరిగా ఈదగలవు, విన్యాసాలు చేయగలవు, మనుషులతో స్నేహం కూడా చేయగలవు. ఓ విద్యాసంబంధిత ప్రాజెక్టు‌లో భాగంగా రోబో డాల్ఫిన్‌ను తయారుచేసినపుడు తమకు ఈ ఆలోచన వచ్చిందని, దీన్ని పూర్తిస్థాయిలో అమలు చేస్తే ప్రస్తుతం బందీగా ఉన్న 3000ల వరకు డాల్ఫిన్లకు స్వేచ్ఛను ప్రసాదించే అవకాశం వస్తుందని ఎడ్జ్ ఇన్నోవేషన్స్ సీఈవో వాల్ట్ కాంటీ తెలిపారు.

Job Notifications Latest Current Affairs 2022


Read latest Telugu news disha daily epaper

Next Story

Most Viewed