జాజిరెడ్డిగూడెంలో కారు, బైకు ఢీ..!

దిశ ,తుంగతుర్తి: ద్విచక్ర వాహనాన్ని కారు ఢీకొన్న ప్రమాదంలో ఓ వ్యక్తి మృతి చెందారు. ఈ ఘటన సూర్యాపేట జిల్లా జాజిరెడ్డిగూడెం మండల కేంద్రంలో తుంగతుర్తి-నకిరేకల్ హైవేపై చోటు చేసుకుంది.

పోలీసులు తెలిపిన వివరాల ప్రకారం.. జాజిరెడ్డిగూడెంకు చెందిన ఎస్‎డీ నజీర్ బాబా.. సమీపంలో ఉన్న దర్గాకు బైకుపై వెళ్తుండగా.. వరంగల్ నుండి నకిరేకల్ వైపు వస్తున్న కారు బైకును ఢీ కొట్టింది. ఈ ప్రమాదంలో నజీర్ అక్కడికక్కడే మృతి చెందాడు. ఘటనాస్థలికి చేరుకున్న పోలీసులు మృతదేహాన్ని పోస్టుమార్టం నిమిత్తం తుంగతుర్తి ఏరియా ఆస్పత్రికి తరలించారు. కేసు నమోదు చేసి దర్యాప్తు చేపట్టినట్లు ఆర్వపల్లి ఎస్ఐ మహేశ్ తెలిపారు.