ఆ రోడ్డు ప్రమాదంలో మృతిచెందిదెవరు..?

దిశ, హసన్ పర్తి: రోడ్డుప్రమాదంలో గుర్తుతెలియని వ్యక్తి మృతిచెందిన ఘటన హన్మకొండ జిల్లాలో చోటుచేసుకొంది. హసన్ పర్తి మండలం పెద్ద చెరువు(మినీ ట్యాంక్ బండ్)సమీపాన జాతీయ రహదారిపై శుక్రవారం తెల్లవారు జామున గుర్తు తెలియని వ్యక్తిని ఒక వాహనం ఢీకొంది. దీంతో సంఘటనా స్థలంలోనే ఆ వ్యక్తి మృతిచెందాడు. స్థానికుల సమాచారం అందుకున్న పోలీసులు సంఘటనా స్థలానికి చేరుకొని పరిశీలించారు. అనంతరం స్థానిక 66వ డివిజన్ కార్పోరేటర్ గురుమూర్తి శివ కుమార్ సహకారంతో మున్సిపల్ సిబ్బంది మృతి చెందిన వ్యక్తిని ప్రభుత్వాసుపత్రికి తరలించారు. మృతుడి వివరాలు ఇంకా తెలియాల్సి ఉన్నాయని పోలీసులు తెలిపారు.