వృద్ధురాలిపై అత్యాచారం.. కొట్టి చంపిన గ్రామస్తులు

దిశ, వెబ్‌డెస్క్: కామంతో కళ్లు మూసుకుపోయిన వ్యక్తిని కొట్టి చంపారు గ్రామస్తులు. ఈ ఘటన చిత్తూరు జిల్లా పుంగనూరు మండలం అప్పగానిపల్లిలో వెలుగుచూసింది. ఇదే గ్రామానికి చెందిన 60 ఏళ్ల వృద్ధురాలు ఒంటరిగా ఉండటం గమనించిన మూర్తి అనే వ్యక్తి ఆమెపై అత్యాచారం చేశాడు. అనంతరం వృద్ధురాలి వద్దనున్న రూ. 4 వేలను అపహరించడం మరీ దారుణం. ఈ విషయం కాస్తా గ్రామస్తులకు తెలియడంతో నిందితుడికి దేహశుద్ధి చేశారు. అంతటితో ఆగక చెట్టుకు కట్టేసి కొట్టి చంపేశారు. సమాచారం అందుకున్న పుంగనూరు పోలీసులు కేసు నమోదు చేసుకొని విచారణ చేస్తున్నారు. వృద్ధురాలి ప్రస్తుతం పుంగనూరు ఆస్పత్రిలో చికిత్స పొందుతుంది.